RSS
Психа на Facebook
   

АНКЕТИ

Дали некогаш во животот сте имале парапсихолошко искуство?
 
 

ПОПУЛАРНО ВО ПСИХАГОН

Слика
ИМЕТО КАЖУВА МНОГУ
Вторник, 28 Декември 2010
Слика
ТОП 5 СОВЕТИ ЗА ХАРИЗМА
Вторник, 15 Февруари 2011
Слика
ВАШЕТО ТЕЛО Е ВАША ПОРАКА
Понеделник, 19 Март 2012
Слика
ТОП 10 МЕНТАЛНИ ПОРЕМЕТУВАЊА
Сабота, 20 Ноември 2010
Слика
НЕРВЕН СЛОМ
Четврток, 12 Јануари 2012
Слика
МОМЧЕТО КОЕ РАСТЕШЕ КАКО ДЕВОЈЧЕ
Четврток, 05 Јануари 2012
Слика
ЉУБОВ И ПОТСВЕСТ
Понеделник, 25 Април 2011
Слика
СИТЕ СТРАНИ НА ЉУБОВТА
Вторник, 31 Јануари 2012
Слика
КАКВИ СЕ КРЕАТИВНИТЕ ЛУЃЕ?
Петок, 14 Октомври 2011
Слика
МУЗИКА И КАРАКТЕР
Петок, 21 Јануари 2011
Слика
7 КРЕАТИВНИ ТЕХНИКИ
Среда, 19 Јануари 2011
Слика
ЗНАМ ДЕКА МЕ ГЛЕДАШ
Среда, 04 Јануари 2012
Слика
ОЧИТЕ СЕ ОГЛЕДАЛО НА ДУШАТА
Четврток, 09 Декември 2010
Слика
КАКВА БОЈА Е БУКВАТА М?
Четврток, 28 Јули 2011
Joomla Templates and Joomla Extensions by JoomlaVision.Com

СЛУЧАЕН ИЗБОР

Слика
ШОПИНГ ТЕРАПИЈА
Петок, 22 Јули 2011
Слика
КАКО РАБОТИ МЕМОРИЈАТА?!
Четврток, 21 Јули 2011
Слика
ДАЛИ СТЕ ПЕШТЕРСКИ ЧОВЕК?
Недела, 09 Јануари 2011
Слика
ПЛАЦЕНТА И БЕБЕШКИ МОЗОК
Среда, 02 Март 2011
Слика
ПСИХОЛОШКИ ИГРИ
Понеделник, 05 Септември 2011
Слика
БОЛЕСТ ВО НАСЛЕДСТВО
Вторник, 16 Ноември 2010
Слика
ПРЕПОЗНАВАЊЕ ЛИЦА
Вторник, 22 Февруари 2011
Слика
МАГИЧНИТЕ ПЕЧУРКИ ЈА МЕНУВААТ ЛИЧНОСТА
Понеделник, 10 Октомври 2011

'Крикот' е секогаш само тоа - бука, а не музика.

Карл Густав Јунг


Сваштарник


ГЛЕДАЈ, НО НЕ ДОПИРАЈ PDF Печати Е-пошта
(0 гласови, просечно 0 од можни 5)
прочитано 2549 пати
Четврток, 04 Ноември 2010 22:35

Научниците и официјално го потврдија она што на продавачите им е познато веќе со години. Имено, познатата тактика "пробај-купи" е и повеќе од успешна, бидејќи колку подолго држите во рацете одреден предмет, толку е поголема веројатноста дека ќе го купите истиот.

купување шапка

Истражувачите од Државните Универзитети во Охајо и Илиноис тестираа како допирањето на одреден предмет пред купувањето влијае врз тоа колку на крајот ќе биде платено за истиот. Едноставен експеримент со ефтина шоља за кафе откри дека во многу случаи, самото  допирање на шољата  создава поврзаност која на крајот резултира со желба на купувачите да платат повеќе.

Резултатите, кои беа објавени во списанието “Просудување и Одлучување“  открија дека луѓето станаа приврзани за шољата веќе во првите 30 секунди од контактот. Оние кои ја држеа шољата повеќе од неколку секунди не само што беа решени да ги надгласаат другите при аукциско наддавање, туку и беа подготвени да платат повеќе отколку што е продажната цена.

“Неверојатниот дел од истражувањето се состои токму во тоа што луѓето можат веднаш да се приврзат за нешто небитно како шоља кафе“, вели главниот автор на студијата Џејмс Вулф, кој започна да работи на проектот додека докторираше на Државниот Универзитет во Охајо.

шоља за кафе

Со самото тоа што ќе ја допрат шољата и ќе ја почувствуваат во рацете, луѓето веднаш почнуваат да развиваат чувство дека таа им припаѓа, дека е нивна шоља. Веднаш штом ќе  започнат да ја чувствуваат како  нивна, подготвени се да направат се за да ја задржат.

“Претходните истражувања покажаа дека многу луѓе чувствуваат дека се сопственици на одреден предмет уште пред да навистина го завладеат. Но ова е прва студија која покажува дека силно чувство на сопственост може да се развие по само 30 секунди почетен контакт“, вели Вулф, кој е сега асистент професор за информатички системи на Државниот Универзитет во Илиноис.

За да објаснат како допирот може да влијае врз проценката на луѓето за одреден објект, истражувачите тестираа 144 доброволци на универзитетот. Откако им беа дадени шољи за кафе (кои ги држеа различен временски период), испитаниците беа замолени да се наддаваат за шољите на отворена или затворена аукција.

маж држи шоља

На почетокот од експериментот, едни ги држеа шољите во раце 10, а други 30 секунди. Потоа започнаа аукциите. Оние кои беа на затворена аукција требаа да ја напишат на ливче максималната цена која би ја понудиле за шољата која во универзитетската книжарница се продава за  3,95 $.  Потоа ги превртеа ливчињата, за да не си ги видат понудите.

Оние пак, кои беа на отворена аукција, можеа да ги видат другите понуди. Започнаа да се наддаваат за шоља вредна 4,95 $ преку компјутерски-базирана аукција слична  на “И- Беј“ . Воедно на екранот  гледаа колку време останува  до крајот, и која е највисоката понуда.

Кога во последните 15 секунди до крајот ќе се понудеше нова цена, времетраењето на аукцијата се продолжуваше, за да се избегнат ефектите од наддавање во последната секунда.

тајмер

На сите учесници им беше кажана продажната цена на шољата  пред почетокот на аукцијата. Исто така, беа известени дека неколку идентични шољи можат да се купат во книжарницата блиску до локацијата за тестирање. Сите добија по 10 $ за учество во експериментот  им беше кажано дека доколку победат, сумата со која се наддавале за шољата ќе им биде одбиена од 10-те долари.

Резултатите покажаа дека луѓето кои ја држеа шољата 30 секунди понудија значително повеќе од оние кои ја држеа само 10 секунди. Просечната цена на наддавањето на отворена аукција изнесуваше  2,44 $ од страна на оние кои ја држеа 10 секунди, а 3,91 $ од оние кои ја имаа 30 секунди. Истото се случи и на затворената аукција, со цени од 2,24 $ и 3,07 $.

“Повисоките понуди беа исклучително битни со оглед на фактот дека истражувачите користеа ефтини шољи. Го зедовме најминималниот тип на објект  кон кој може да се искаже приврзаност; не нов костум или автомобил, туку шоља. И откривме дека значителни разлики во проценката од страна на купувачите  започнуваат да се случуваат буквално во секунда.“, вели ко-авторот Хал Аркес, кој е професор по психологија на Универзитетот во Охајо.

аукција

Овие разлики продолжија кога научниците погледнаа колку пати победничката понуда ја премина продажната цена. Сите ја знаеја цената, но оние кои ја држеа шољата 30 секунди четири од вкупно седум пати ја надгласаа продажната цена. Во оваа прилика, иако шољите вредеа 4,49 $, во два наврати достигнаа цена од по 10 $!

За разлика од нив, оние кои ги имаа шољите 10 секунди само еднаш понудија цена повисока од продажната.

Ко-авторот Валид Мухана, кој е професор по менаџмент за информатички системи на Универзитетот Охајо, вели дека тенденцијата на учесниците да понудат повеќе е правопропорционална со нивната приврзаност за предметот.

“Нивната приврзаност се интензивира со подолг физички  контакт. Едно објаснување е аверзијата кон загуба; што значи, колку подолго луѓето поседуваат некој предмет, толку е поголема нивната приврзаност кон него и нивната подготвеност да го задржат. Стануваат приврзани кон него и спремни се да платат многу повеќе, за да ја избегнат загубата.“, вели Мухана.

купување


“Додека ова истражување може да им помогне на научниците подобро да го разберат однесувањето на потрошувачите, многу продавачи ја користат тактиката “пробај-купи“ со години“, вели Вулф.

Продавачите на автомобили често нудат пробни возења, а продавниците за домашни миленици ги охрабруваат луѓето да си поиграат со кученцата или мачињата затоа што знаат дека тоа ќе им овозможи поуспешна продажба.

Но Вулф вели дека ако купувачите го сфатат ова, можат да почнат да донесуваат попаметни одлуки.

“Кога седите зад воланот на нов автомобил, знаете дека ќе го вреднувате повеќе а можеби и ќе бидете спремни да платите повеќе. Но ако  уште пред да влезете во салонот знаете дека ќе го прецените автомобилот, тоа може да ви помогне да не донесете импулсивна одлука, за која подоцна може да зажалите“, изјави тој.

автомобил

Joomla Templates and Joomla Extensions by JoomlaVision.Com
  
Psihagon Ltd.

Copyright © 2010-2014 Psihagon Ltd. All rights reserved.